Category “海鮮”

海鮮的匯整內容

如果我想整焗魚嘅時候,其實應唔應該用嘢包住佢哋?

香港人食蒸魚就食得多啦,但係焗魚呢就比較少

始終呢個係偏向西式嘅方法,可能有好多人都唔係好清楚應該點做,唔似得蒸魚咁,隨便都可以做到自己想要嘅效果。

即買即用餐牌製作食物相片及設計模板 | PHOTOTORA 專為亞洲餐飲業菜單製作而設計的食物素材網站

講返點樣焗魚,其實係有兩種方法

而佢哋嘅成品係完全唔同嘅,所以如果你想要決定用邊一種方式去整焗魚,就需要睇吓你其實想要邊一種嘅效果啦。

第一種係將條魚包住先至入去焗爐焗

咁樣係等於將所有熱力同水份封住,令熱力係紙包裏面循環,咁樣做就可以用魚本身嘅汁液

或者調味嘅液體,以大約100度嘅水蒸氣將條魚蒸熟,出嚟嘅魚會比較柔嫩,水份充足。

你可以使用焗蛋糕成日用嗰啲入爐紙,或者用錫紙包住都可以做到呢種效果。

二零一種方法就係唔包住佢嚟焗

直接放入焗爐裏面焗的話,熱空氣會散佈去焗爐裏面周圍嘅地方。

而熱能會慢慢傳返去魚裏面,咁響烤嘅過程當中,魚嘅表面水份會逐漸流失而變得乾。

只要魚嘅表面溫度超過140度以上,就可以引發褐變反應,令到魚嘅皮香脆焦香,有所謂香口感覺。

但係魚肉本身就會比較乾,比較適合一啲油脂量豐富嘅魚,先可以有好既效果。

咁,你會比較喜歡邊一種焗魚做法?

原來煮完都唔開殼嘅青口都唔代表唔食得? 關於青口的一些事情

如果以容易處理嘅海鮮計,青口都算係數一數二簡單,而且煮熟嘅時間需時相當短,又唔貴,所以只要掌握多啲關於青口嘅知識,絕對係方便好用嘅食材之一。

煮青口

眾所周知,所有海鮮,尤其是貝殼類都係盡量新鮮烹煮最好啦,因為佢哋實在太快壞

不過如果你買咗新鮮嘅青口返嚟,但又未必需要馬上煮,咁就最好放喺冰塊上面保存,或者浸住淡鹽水,放一塊濕布上面,放入雪櫃入面最凍嘅位置稍為冷藏一陣都可以。

但記得響準備煮青口之前,要再檢查一下。檢查嘅方法主要係有冇開殼;如果有的話,將佢哋放響水龍頭下面沖洗,如果仍然繼續打開嘅青口,就係已經死咗,最好丟咗佢唔好食啦。

經過呢一個步驟,正式落水煮青口啦

有好多時你會發現,總有一啲青口係煮熟都唔會開口,唔使急住丟咗佢哋,雖然既有觀念係認為唔開口就等於係壞嘅,但實際上未必。因為貝殼類嗰對殼係靠兩條肌肉,叫做閉殼肌去鎖住個殼;呢兩條好強韌嘅肌肉一般加熱之後都會慢慢鬆開。

但係,十隻手指都有長短喇,總係會有幾隻嘅閉殼肌特別強橫,點煮都唔肯開口。你可以試下打開佢睇一睇,會發現其實一樣係煮熟咗。

帶定個頭盔先,如果您有任何懷疑,當然唔好亂咁食

另外,有啲唔開口,又會有啲一早就開咗口,有人會因為唔希望煮得太熟,所以一見到青口開口就拎出嚟,反而更加應該小心,因為太早開殼嘅青口有機會未完全熟透,小心為上的話都係煮多陣比較好。