Category “文章”

文章的匯整內容

其實點樣整果醬先至可以定型得好啲?

果醬好多人都整過,算係好簡單易整嘅嘢,雖然都仲係有人失敗,不過只要你了解究竟果醬點解可以煮成呢種質地,其實成功率可以大大提高。

水果

最簡單嘅果醬煮法,純粹係加水同糖同水果一齊煮

透過水果裏面唔夠1%嘅果膠,發揮黏合作用,令水果糖漿起冷卻之後凝固成膠狀。

單純只係用水去煮,其實就已經可以取出果膠呢種物質,不過由於響大部份嘅水果裏面,果膠嘅含量都唔多,所以需要落返啲砂糖。

除咗增加返一啲甜味,平衡水果嘅酸味之外,因為糖可以將果膠分子裏面嘅水份帶走,促使果膠入面嘅分子鏈結合埋一齊,變得更濃稠。

煮滾一段時間,大約5至15分鐘左右,果膠分子就會結合成為更加膠狀嘅物質,最後令果醬可以定型。

不過要記住,隨着水果變得成熟,果肉裏面嘅果膠含量會逐漸減少,所以如果你用太過熟嘅水果去做果醬,效果係會差啲,更加可能會失敗。

果膠含量比較低嘅水果更難煮成果醬

例如車厘子同梨呢一類水果本身果膠嘅含量比較低,更加難煮成為果醬,往往需要另外再加添配料去幫助成形。想容易成功,我諗都係用返大家用開嘅士多啤梨、其他莓果類會比較好啲,因為佢哋通常都含有更多嘅果膠。