煮餸嘅時候，醬汁絕對係不可或缺嘅一部份，你都唔想煮出嚟嘅嘢食乾爭爭同冇味㗎嘛係咪？
一個好嘅醬汁，究竟需要啲咩呢？簡單啲咁講啦，無論由味道到香氣，甚至乎口感等等都要配合到剛剛好，甚至乎可以強化到主要食材本身擁有嘅風味，就係醬汁所需要嘅功效。
例如我哋用柱侯醬，可以將牛腩嘅味道變得更加濃郁同得到提升、或者蔥油同白切雞係冇辦法分開嘅一對，係唔係？呢種情況有時係增強本身嘅風味，甚至乎係互補不足，有啲時候好嘅醬汁甚至乎可以彌補到主要食材不足嘅地方。
想節省設計餐牌時間成本??
不妨入去睇睇，有超過1500款以上已退地去背PSD素材相片，幫你大量節省勞力操作成本
基本上講得都係醬汁，自然都係液體狀，所以做得醬汁嘅時候，最基本上就係要睇吓你用啲咩液體做基礎，可以係水性，亦都可以係油性嘅材料，視乎情況去配製。
咁，一般來講可以用到最基本嘅嘢係咩呢？
水：呢個雖然無味，但佢係最基本嘅液體原料，你可以響裏面加入一啲調味料，去調製一種味道出嚟。通常用水做基礎，味道都會係清爽為主。
上湯：呢個都係水性嘅基本材料，通常係替代水，去令到味道更加有豐富嘅層次。可能係用雞湯亦都可能係用魚湯，變化非常之多，口味亦都更濃郁。
各種酒類：可能係葡萄酒，亦都可能係味醂、燒酒、黃酒等等，雖然同水一樣都係比較稀嘅狀態，但係因為酒嘅香味或者酸味，果實香味等等，都可以為醬汁帶嚟層次同變化，同埋酒有一定程度可以闢腥嘅效果，如果主要食材本身有多少腥味的話，調製相關醬汁嘅時候都可以考慮落少少酒做基調。
牛奶同奶油：算係西式油性醬料嘅基礎，除咗香味同口感順滑之外，可以令醬料變得濃稠，有順滑濃厚嘅口感。配搭濃味嘅肉汁，可以產生想像唔到咁吸引人嘅香味。
麻油、橄欖油：油類本身都有濃稠嘅質感，再加上唔同嘅油都有自己本身嘅香味，都係非常適合用起醬料上面，無論東南亞定係西方各自都有唔同嘅方式去利用油做醬汁。
響配製醬料嘅時候，除咗基礎嘅液體同調味料之外，最重要嘅仲有一樣嘢就係增稠劑。
為咗你嘅醬汁可以更加有效停留響食材上面，一定要有一定嘅濃稠度先至得，同時呢種增稠劑，可以為醬汁帶嚟額外嘅風味，舉例你可以將肉類蔬菜或者水果等等，透過打碎或者煮成蓉，就可以同時攞到兩個效果。
另一種方式就係利用膠原蛋白，即係肉類入邊嗰啲明膠，響煮過嘅蛋或者其他含有豐富膠質嘅肉類部份都可以。
而最簡單嘅方法，就係我哋中式食品成日用嘅勾芡，簡單啲講就係利用澱粉加水，響煮食嘅最後步驟加入，就可以達到收成汁嘅效果。
然後就係調味料
除咗上面所講，食材渾然天成出嚟嘅香味物質之外，有時加一撮鹽、滴兩滴魚露或者檸檬汁，加糖去調和口感都係常用嘅方式。
基本上成個方程式就係︰
基調【液體】+香味/增稠劑+基礎調味料
味道配搭呢樣嘢，甜酸苦辣鹹同各種中西食材嘅配合變化萬千，基本上冇可能列舉得曬，但係你只要知道手頭上有啲乜嘢可以用，同埋你所需要嘅效果係乜嘢，配合食物科學嘅理論，不斷嘗試都可以調製出你自己喜歡嘅味道出嚟。
如果在這裡找不到你想要的相片素材? 可以經下面的連結，前往探索更大型的世界性素材網站ShutterStock
